الأحد، 8 نوفمبر 2009

الاعتراف رقم (5)





اليوم وقد رجعت إلي المدونة بعد غياب



أولا :
بسبب إجازتي السنوية التي آثرت أن أستغلها في نيل قسط من الراحة من عناء العمل والملل أيضا

ولكن هيهات للراحة أن تعرف طريقها إليّ
فقد ألتحقت بدورة لتعلم اللغة الإيطالية بمعهد الساليزيان
بالإضافة الي تعلم اللغة الإنجليزية
ثانيا :
أتيت لكم باعترافي الخامس

اليوم ، ذهبت الي أحب متجر للملابس إليّ وأشتريت أفخر ثياب ترتديها فتاة في مثل سني لمناسبة نويت حضورها
ثم ذهبت الي أوريفليم لأشتري عطري الذي كاد أن ينفذ
وذهبت إلي سنتر التجميل وقصصت شعري
ثم ذهبت الي منزلي ....
حينها لم أشعر بإرهاق جراء يوم متعب بدون سيارتي
حينها... لم أشعر بالعطش
حينها ... لم أشعر بالجوع
حينها ... لم أشعر الإعياء
أنا فقط أشعر بالحزن
نعم حزن وندم عميقين ستعرفون كنههما بعد بضعة أسطر من هنا
أرتديت ملابسي وتعطرت ونظرت إلي المرآه ، وجدتني وقد أخفيت دموع تنساب بحرقة علي وجنتي
دموع ... لم أذق طعمها إلا في ذلك اليوم
فللدموع مذاقات
مذاق لدموع الفرح ومذاق لدموع الحزن ومذاق لدموعٍ.. مثل دموعي تلك
و التي سوف تطلقون أنتم مسماً لها فيما بعد
ذهبت الي مناسبتي ... ،
انها حفل زفاف
حفل زفاف من أحبني من قلبه
حفل زفاف من دخل كياني وغير مجريات الأمور
حفل زفاف من اقتحم قلبي وهدم أسواره واستوطن بلا استئذان
حفل زفاف أرق مخلوق بأرق مشاعر مدفونة في أرق قلب
حفل زفاف من خر له عقلي وعيناي سُجداً
حفل زفاف من تمنيته زوجا لي .. وربما زوجتّه روحي
حفل زفاف من تحمل الصعاب لأجلي
حفل زفاف من مسح من قاموس حياته لفظ "كرامتي" لأجل حبي
إنه حفل زفاف " علي إبراهيم خاطر"
زميل دراستي وزميل عملي وقدوتي
علي الأنسة " دعاء سعيد عرفة"
صديقتي
نعم ، صديقتي
صديقتي التي كنت أتقاسم معها فراشي
صديقتي التي كنت أتقاسم معها طعامي
صديقتي التي كنت أتقاسم معها راحتي
صديقتي التي تقاسمني الأن أنفاسي
نعم فقد كان لي .. هوائي الذي أتنفسه
ليتها تعطيني إياه وأدفع لها نصف عمري القادم بجواره
فجأة أنتبهت الي صوت يصرخ بداخلي
"هيهات لك .. لا تشردي بعيدا في صحراء الأوهام"
والأن يا نفسي ...
كوني علي أرض الواقع
هيا أمسحي دموعك المرة وادخلي الي ساحة المعركة
التي يجب أن تنتصري فيها علي قلبك ..
ادلفي بخفة الي عرش الملكة الجالسة أمامك ..
والتي من المفترض أن تكوني أنتي الأن مكانها تشعرين شعورها
كملكة متوجة علي عرشها
لكن حذاري ..
حذاري أن يلحظ حبيبك ... دموعك ..
فأنتي تعرفينه رقيق المشاعر ، ولن يصمد أمام نقطة ضعفه
تعرفين أنه يريد أن يطمئن عليك
تعرفين أن نظراته التائهة تبحث عنكِ
تعرفين أنه يريد أن يقول وداعا .. لأنه لن يخون زوجته بعد عقد القران
هيا يا نفسي ... تماسكي ... تقدمي بخطوات ثابته نحو .. دعاء
قدمي التهاني والقبلات الحارة ،
وتمني لهما السعادة
وانسحبي في هدوء .. رافعة راية بيضاء من الاستسلام
استسلمي ليأسك ومعاناتك
وابتعدي ..
وأمسكي بهاتفك واضغطي الزر وتحدثي مع صديقاتك الأخريات ..
قولي لهن .. أني ملككن اليوم وكل يوم
فقد تزوج حبيبي من صديقتي
فقد تزوج علي .. من دعاء
----------
----------

هناك 27 تعليقًا:

أبو كريم يقول...

إيه الإعتراف ده

حرام عليكى بجد مكنتيش تكتبيه عشان بجد مش متخيله ومش عاوز اتخيله وبلاش تكتبى الأسانى عشان محدش ينجرح اكتر


نصيبك كده قولى الحمد لله وادعى الله ان يجعل لك افضل منه زوجا وحبيبا وان يملء قلبك بالرضا بقضائه سبحانه لليقين بحكمته لانه ما أخذ منك الا ليعطيك " ولا تحسبوه خيرا لكم "

محدش عارف الخير فين


ربنا يربط على قلبك ويثبتك

خواطر شابة يقول...

المني اعترافك لانني احسست بك جدا ولو انك لم توضحي ماالدي جعل القصة لاتكتمل بينكما رغم ان الواضح من كلامك ان الحب متبادل بين الطرفين
وانا أقرأ اعترافك كنت ادندن بيني وبين نفسي اغنية وائل جسار" في يوم زفافك" هي تصف نفس الوقف لكن هده الرة بلسان رجل
عوضك الله خيرا مادا نفعل هده هي الحياة

Unknown يقول...

الواضح انه حب متبادل وما هى الاسباب ليتزوج من اخرى ومن صديقتك

richardCatheart يقول...

حمد الله على السلامه من غياب طويل
اولا انت غلطتى لما قولتى اسامى دا اعترافك انت مش هما

ثانينا واضح من اكلام انكم بتحبو بعض لسه بس مش ناوين تخونها واتمنى ان دا الى يحصل وتحافظو على بعض لان اى متعه فى النهايه زيله

يبقى الاحسن تبعدو وتحاولو مايكونش بنكم مقابالات وعلاقات شخصيه انت وهو مش انت وصحبتك ودا طبعا لو قدرتى

واتمنى من ربنا يثبتك وماتوقعيش باسم الحب ربنا معاكى

Tamer Moghazy يقول...

آآآآآي..
..........
....
........
اوحش حاجة انه الصورة تبقى حلوة وفي احسن ما يكون..وفجأة نغير اتجاه الكاميرا على اخر لحظة ونصور مشهد تاني ونفاجأة بصورة تختلف عن اللي استنيناها..
الوجع جامد قوي يمكن انا حسيته للمرة رقم...........كام..موش عارف..
ومش بحب كلام تطييب الخواطر عشان كده مش ها اقولهولك.

فشكووول يقول...

وفى يوم صحيت على صوت فرح بصيت من الشباك ...زينه وتهانى وناس كتير ماشيين هنا وهناك .. شاورا لى بايديهم وقالو لى عقبالك .. هللت م الفرحه وسألت ...

قالوا جارك .. جاااااارك حبيبى اللى كان ساكن فى قلبى وبحبه

الغريبه ان الانسان لا يستسلم لليأس ابدا الا فى هذه الحاله .. حالة زواج الحبيب من آخر

لا يجد الانسان ما يفعله الاان ينسحب فى هذوء .. وربما فى راحة اليأس الذى هو احدى الراحتين

تحياتى فى زيارتى الاولى لك

micheal يقول...

كم هي نبيلة مشاعرك
فعلا في ظرف ده مينفعش غير أنك تتمني له التوفيق والسعادة في حياته
وأكيد أنتي استفدتي حاجات كتير من التجربة دي في حياتك ومحدش عارف يمكن في يوم من الأيام تقابلي قلب جديد وتفهميه ويفهمك وتعيشوا في سعادة
تحياتي

فشكووول يقول...

لم اكن قد قرأت الاعتراف رقم 2 وبعد ان قرأته .. لا اجد انك غبيه
ولكنى اجد انها الاقدار فلست قدره وليس قدرك .. انه قدر الاخرى وقدرك سوف يأتى ان شاء الله

الاقدار هكذا .. فليس كل ما يتمناه المرأ يدركه ولكن يمكن للغير ان يدرك امنيتك وتدركى امنيه الغير وهكذا الحياه .. اقدار تصنع اقدار وربما هناك قدر طيب وجميل لم يأت لك بعد

تحياتى

ليس فقيرا من يحب يقول...

حبيبتى الاول ليه ذكر الاسماء

وبعدين صدقينى ما اصابك لم يكن ليخطأك

وما اخطأك لم ليكن ليصيبك

كل شيىء قسمه ونصيب والانسحاب التام

هو افضل حل

ربنا يعوضك خير يارب ويسعدك

أميرة علي كوكب مهجور يقول...

مش عارفه اقولك ايه:(
بس لو بتحبيه كده ضيعتيه ليه!

عموما اكيدر ربنا كاتبلك الخير مع حد تاني واكيد لسه في حاجات حلوة جايه وربنامعاكي و يوفقك

Yusuf يقول...

أقسي الاعترافات

انا كمان مش بحب كلام تطييب الخاطر لأنه مؤلم

مش عارف اقول ايه


إنها الحياة !!

غير معرف يقول...

السلام عليكم

قدر الله وماشاء فعل

طبعا موقف صعب محتاج قدره عاليه على ضبط النفس
وطبعا المهم هنا الرضا بالقضاء والقدر

بالنسبه للى فى موقف زي ده
اللى حصل حصل وخلاص مش هاينفع اى شىء
انما الافضل انه يبارك ويهنى

ويحاول يعدى المرحله دي
الموضوع هاياخذ وقت
بس لازم يعرف ان الحزن مش لازم يطول لانه مش هايغير حاجه
بالعكس ممكن يخلينا منعرفش نشوف الصوره كويسه

كمان اللى بيحب حد بيحب انه يكون سعيد حتى ولو مش معاه
وهو شاف انه سعيد مع حد تاني
فهنا يظهر معنى كبير للحب
وطبعا الدعاء والتقرب من الله يهون الصعاب


هو فيه ملحوظه بس ان الاسماء مفترض متكتبش ممكن تسبب احراج لاى حد بنفس الاسم سواء ولد او بنت

غير معرف يقول...

دع الأيام تفعل ما تشاء ... وطب نفساً بما حكم القضاء
ولا تجزع لحادثة الليالي ... فما لحوادث الدنيا بقاء
وكن رجلاً على الأهوال جلداً ... وشيمتك السماحة والسخاء
فلاحزن يدوم يوماً قط ... ولا فرحاً ولا هماً ولا سخاء

Yusuf يقول...

ازيك يا ياسمين

يارب تكوني بخير

ليكي تاج ف مدونتي

روحي الحقيه قبل ما العرض يخلص

:)

أحمد شعراوي يقول...

أنا حاسس بيكي جدا ..

بس أنا عايز أسأل سؤال واحد ..

هي صديقتك دي مكنتش عارفة انكوا بتحبوا بعض ؟؟؟ طيب لو عارفة ليه تعمل كده ؟؟؟ ...

أقصد .. انه لو هيه عارفه انه بيحبك يبقى ازاي قبلت انه ييجوزها و هو بيحب واحدة تانية خصوصاً صاحبتها ...

و لو هيه مش عارفة انه بيحبك .. أكيد عارفة انك بتحبيه ... بس برضو ده معناه انه قال لها انه مش بيحبك و انه بيحبها هيه ... و في الحالة دي صدقيني هوه ميستهلش ولا دمعة واحدة من عينيكي الغاليين ...

على العموم ... رغم الالم و انكسار القلب و الغصة اللي انتي حاسة بيها في قلبك و حلقك .... واجهي الواقع .. هما دلوقتي اصبحوا زوجين .. ابعدي تمااااااااما ً ... تماماً ... و ربنا ان شاء الله هيعوضك ... يا ياسمين ... و حاولي تقربي من ربنا هوه اللي حبه عمره ما بيضيع و هتلاقيه دايماً جنبك ... سبحانه و تعالى ..

دموع كابر يقول...

مرحبا بالاعترافات
اهلا بيها بدون خجل او مواربه او كذب
اد ايه كنتى قويه واد ايه كمان فى عز ماهو موش معاكى خايفه عليه
حلو اوى اننا نخاف على حد موش لينا

Tamer Moghazy يقول...

انا جيت تاني عشان اقولك ان عجبني ردك عند "دموع كابر"
نبهتيني لحاجة...ممكن تكوني ذكية جدااا

دموع كابر يقول...

احييكى على ذكائك
ويسعدنى اوى كمان ان يكون بينا تواصل
انا اه دى تقريبا المدونه رقم 5
بس هنا هاحكى حاجات كتيره
حاجات زى اعترافاتك كدا
وبما انى معروفه اوى شكلا واسما فدا مينفعش انى اقوله علنا
ممكن اكون محتاجه اتكلم براحتى
ولو دا يضايقك خلاص براحتك

غير معرف يقول...

الاعتراف رقم(5):
من خلال هذا الاعتراف انا اعترف انك انسانة قوية ذات مشاعر حنونة قوية وجياشة ايضا ممكن يكون الزمن او القدر مقدملكيش اللى كنت بتحلمى به بس اللى انا متأكد منه انه حيقدملك احن منه بكتيييييييييير غير اللى كنت متصوراها .....
كونى على يقين ان ر بنا حيعوضك احسن منه بكتييييير...

دموع كابر يقول...

اسعدنى ردك بجد
متشكره جدا على تفهمك
فانا لااريد لزوجى او اولادى ان يكون هناك شىء فى حياتى العلنيه يخجلهم او يسبب لهم اى احراج
صداقتك بجد تسعدنى وعلى فكره كمان انا متابعه اعترافاتك من اول يوم
بس اعترافاتك دى انا ماحبتش انى ادخلها لانها خاصه بيكى انتى وبس
وكمان ضحكتى عليا لما اتكلمتى عن الصديقه بتاعتك وقعدت اتخيل فيها وفى الاخر طلعت السجاير
هههههههههههه
حسيت انى غبيه اوى
تقبل مودتى

Tamer Moghazy يقول...

يا واد يا سيموووو يا جاااامد
يا مقصر علينا المسافات..
على فكرة...سيموو..دي على وزن تيموو.
;)

blue-wave يقول...

مش عارف اقولك ايه
ولكنه اعتراف عاصف هذة المرة
ومر بالفعل
مش لاقى كلام اقوله بجد غير ربنا معاكى ويكتبلك الخير

اقصوصه يقول...

امممم

لا تعليق!

مي يقول...

مش هقول كان لازم تحاولى لاخر لحظة مش هقول انك كنتى كسرتى الحديد وحاربتى بقوة بس هقول لاتبكى على اللبن المسكوب وانسى
اعترافك صديقتى وجعنى جداااااااااا زى المخ اللى بيرفض تصديق الحقيقة القاسية انسى صديقتى وامضى للامام ولا تنظرى للخلف

amirelhob يقول...

اول مره القى نفسى فى بوست بجد اول مره القى نفسى فى بوست القى حدث فى حياتى مكتوب ولكن بطريقه مختلفه القى قصه من قصص حياتى موجوده عند غيرى اول مره احس بجد بضعفى اتجاه هذه القصه رغم دموعى الا انى فرحت بمرورى واتمنلك من قلبى كل خير وسعاده وصحه وتوفيق وفرح وابتسامه تدوم يا رب طول العمر

خوخه يقول...

اولا عاوزه اقولك بس
ان كل شيء قسمه ونصيب
وربنا كاتب لكل انسان حاجه بياخدها
مش حد بياخد حاجه مش ليه
ومحدش عارف الخير فين
بكره يجيلك نصيبك واقولك انك هتحبيه اكتر ماحبيتي الانسان دا وهتشوفي وبس ابقى افتكري كلامي دا
والله كل حاجه ربنا مقدرها
وماتقدريش تقولي غير الحمد لله على كل شيء وقلب راضي وانسي هتتعبي بس هتنسي ف يوم من الايام
(تحياتي خوخه)

بقايا انسانه يقول...

اعترافك موش جرحني دا دبحني

اول مره وانا بقرء حاجه احس انه

كياني كله بيهزه الكلام

احساسك وصلني بجد

شوفتك وانتي بتكلمي وكنت حاسه اني

بتفرج عليكي

ملكيش نصيب فيه