الجمعة، 2 أكتوبر، 2009

الأعتراف رقم (4)


أصدقائي ... شكرا لكم لتقبلكم اعترافاتي


وشكرا لمتابعتي


وتأكيد مودتكم


وبالطبع أقدم لكم اليوم أعترافي برقم (4)




أولا :


انا فتاة وقودي الذي أمشي به علي الأرض هو ثقتي بذاتي ..

يسمونها طاقة داخلية إيجابية

أو إحساس بعزة النفس

أوكثيرا ما يطلقون عليها "غرور "

وأنا لا يهمني الاسماء مادامت النتيجة واحدة وتحقق رغبتي وهدفي في الحياة.


ثانيا :

جميعنا كإناث نتعرض للمعاكسات والمضايقات من الجنس الأخر في الطرقات العامة .. ولا تقتصر تلك المعاكسات علي الجميلات منهن أو الأنيقات فقط .. فأجد انها تمتد لتشمل كل ما هو (مؤنث )

من وجهة نظري لا تعد المعاكسات في الشارع المصري دليلا علي جمال الأنثي

ولكني أعتبره دليلا علي عدم دراية الجنس الأخر بكيفية التعبير عن إعجابه بهذه الأنثي

ومن جهة أخري ليست كل المعاكسات مدح

بل هي أيضا تضم سب جارح أو ذم في معظم الأحيان

وكما قلت فهي ليست قضية المدح والسب .. ولا حتي قضية إبداء رأي شخص لم يطلب منه ذلك ...

إنها قضية عدم احترام الفرد لذاته والذي بالتالي ينعكس علي عدم احترامه للأخرين

هذه وجهة نظري أنا

ثالثا :


إن وقودي هذا لا أستمده من كلمات يطلقها عليّ رجال غرباء في الشارع .. لا ..

وقودي أستمده ممن أثق في رأيهم السديد عند طلب مشورتهم

ومن محاولاتي المستميته في الاعتماد علي نفسي والبحث عن مكنونات ذاتي وخصائصها ..


رابعا :

استيقظت ذات يوم وعند عبوري الطريق لأركب سيارتي ..

وجدت رجلا لا أعرفه يحدق في ّ بشكل اثار فضولي ! وتساءلت هل أعرفه؟

" لا ... أنا لا أعرفه "
كانت هذه إجابة تساؤلي ..

وجدته يقترب مني أكثر!!

مما دفعني للإسراع تجاه سيارتي في هلع ملحوظ

" تورتاية ماشية علي الأرض"

هكذا قال لي بصوت عالي

سرت بسيارتي وأنا أتعجب من هذه الكلمة التي لم تلبس أن تدخل أذني ..

وإذ أجدها وقد أستقرت في عقلي تداعبه
ما هذا ؟

أحقا أنا هذا .. هل رأني كذلك ؟

وتخيلت صورتي في ذهن هذا الرجل كالرسوم المتحركة

التي يتخيل فيها القط "توم" ذلك الفأر "جيري" علي أنه قطعة دجاج تمشي علي قدمين

لم أدري أن هذه الكلمة ستكون وقودي لأيام كثيرة

ومنذ تلك اللحظات .. وعدت نفسي بأن أري نفسي دائما هكذا

" تورتاية ماشية علي الأرض"

وكانت هذه هي الحسنة الوحيدة من جراء معاكسات الإناث في الطرقات

حيث أصبح لي ولصديقاتي وأيضا لزملائي مبدأ لي أن نكون

" تورتاية ماشية علي الأرض"

يمكنكم أن تتمتعوا بوقودكم وتروا أنفسكم كذلك

كونوا دائما في أحسن حال ولا تدّخروا حالا أحسن للغد

من ياسمين التي تشعر دائما بأنها

" تورتاية ماشية علي الأرض"



تقبلوا مودتي


هناك 27 تعليقًا:

richardCatheart يقول...

صباح الخير عجبنى الاعتراف دا لذيذ وبيقول حاجه .....ان مهما وصلت ثقتنا بانفسنا كاجميلات ومحترمات ومثقفات هاتفضل كلمات المعكسه اللطيفه تستثير اعجبنا وتتحول لمنشتات عريضه فى حيتنا وذكريتنا
وياحتته مارونجلاسه والحشو شوكولاته
شكرا

ahmedmisry يقول...

يا ست الكل الأعتراف طيب لكن كما قُلت لك في تعليق سابق
اجعلي ثقتك تلك وقودك للتوقف عن التدخين .. والله هكون سعيد فعلاً لو أقلعتي عنه .. أتمنى أن تكون رسالتلي تلك تواد وتحاب في الله بينك وبينك وبين الجميع إن شاء الله ... أتمنى والله بصدق وبتجرد تام أن تقلعي عن التدخين .. حاولي جربي فقط

أحمد عاطف يقول...

ان كلمات الغزل دوما

مهما تأنقت وتجملت ولبست أبهى الأثواب حتى وإن كانت في شكل تورته فإن غرضها الاول والاخير هو الوصول لتذوق تلك التورتة

ولم يطلق لفظ تورته الا محبة في طعم التورتة

فلو كان يعشق المحشي أكثر من التورته لقال لكِ

ايه دا حلة محشي بتنجان بتتمختر يا خواتي

تحياتي

طهر فؤادك يقول...

السلام عليكم ورحمة الله وبركاتة
ياريت تساعدينى فى حملتى "مدونتك هتنقذ طفللك"وهى فكرة بسيطة بس ان شاء الله خيرها كبير وانا عارف ان الى بيحترموكى ويقدروكى كتير فياريت تشاركينى

وكل الى يحب فى الحملة دى ومش هتاخد غير دقيقة واحدة وعن فكرتها وكل حاجة عنها فى اللينك دة ورجاء تدخلى وتشفيها امانة وجزاكى الله خيرا والمسلمين

.http://rasoulallah1.blogspot.com/2009/09/blog-post_23.html

شاب مفقوع يقول...

ياسمين

اكيد ماكنتش انا اللي بعاكس

انا لما بعاكس بقول انت يا جميـــــل

لو قابلك حد بيقول كده يبقى اكيد انا

Yusuf يقول...

ياسمين

تحياتي في البداية لأسلوبك الرائع في الاعتراف

اما بخصوص المعاكسات

فهي من وجهة نظري لا تعبر الا عن وقاحه واضمحلال ثقافة من يطلقها

وبخصوص " التورتاية "

كوني تورتاية علي الأرض

بجمال عقلك وليس بأي جمال أخر

تحياتي

بقايا انسانه يقول...

جميل انك صريحه مع نفسك ودي قبل ماتكوني صريح مع الناس


بجد جميله البلوج


ربنا يكرمك

mimi يقول...

ياسمين .. ماشاء الله عليكي أسلوبك بهرني في الكتابة

وكمان الأعتراف ده جرئ

أنا أصلا معاكسات الشارع لا تمثل لي أي شئ

بس أكتر جملة عجبتني

" وتخيلت صورتي في ذهن هذا الرجل كالرسوم المتحركة

التي يتخيل فيها القط "توم" ذلك الفأر "جيري" علي أنه قطعة دجاج تمشي علي قدمين"

تشبيه بجد في محله

وكمان ضحكني تعليق أحمد عاطف بتاع حلة المحشي ده

ههههههههههه

تحياتي

مي يقول...

هههههههههه بجد الاعتراف ده جميل
فعلا ده اللى بيحصل ربنا يستر علينا ياقمر
واسلوبك ماشاء الله عليه
تحياتى يا حبيبتى

safa7_karmooz يقول...

ههههههههههههههههههههههههه

ده ايه اللسعان ده

:D:D

بس لو كده انا كان زمانى وصلت المريخ من كتر الوقود :D

مسدس صغير يقول...

هههههههه
حلوة حكتورتاية ماشية على الارض
بس احنا يا معشر الرجال نستمد طاقتنا منين اذ كان محدش ممكن يعبرنا ويقولنا تورتاية ماشية على الارض؟؟
هههههههه
احييكى على البوست وعلى الاعتراف

دموع القمر يقول...

حبيبة قلبى

اننا نحاول نغير من نفسنا

اننا نعمل حاجة نيجى يوم القيام نقول يارب انا مقصرتش معاهم

انا قريت الموضوع الفلانى وعملت بكل مافى وسعى

اولا حبيبتى
زى ماقلنا
الدعاء
انت عارفة ان سهام السحر لاتخطىء
ولو كنت متابعة معانا فى طيور الجنة
كنا اتكلمنا اننا نصحى نصلى الفجر
بس نقوم قبل الاذان بساعة واحدة بس
نقسمها
4 اربع
ربع صلاه على الاقل ركعتين
وربع دعاء وانت عارفة ان ربنا بينزل فى التلت الاخير من الليل ويقول هل من تائب هل من مستغفر هل من سائل
تخيلى بقى لما تقعدى ربع ساعة تدعى ربنا وتناجيه بكل حاجة انت نفسك فيها
ومتنسيش اخواتنا فى غزة طبعا
والربع الثالت الذكر
والربع الرابع قراءة القرأن
وتصلى الفجر

حبيبتى ولو مبتصليش الفجر خدى عهد على نفسك من اول ماتقرى التعليق
انى هقوم اصلى الفجر وانويها انى هغير فى نفسى علشان ربنا ينصر غزة

وبعد كدا المقاطعة زى ماقولت ليه تجيبى شبسى مادام قدامك حاجة تانية مش مقاطعة
ولو حبيبتى مش عارفة ايه بالظبط حاجت المقاطعة بس بلغينى وانا هحاول انى اعمل بوست بيها

وفى حاجات كتير
انى اذاكر كويس وانجح بتقدير دا برضو وسيلة انى اكون انسانه متعلمة مجتهدة
فى انى اصلح علاقتى مع والدى
فى انى احاول اقرأ قران
فى انى اقرأ عن القضية من كتب مبسطة
وافهم اخواتى واصحابى بالقضية
لان احنا عارفين ان من لم يهتم بأمر المسلمين فليس منهم

بارك الله فيكى
وبجد فرحتينى انا دايما اقوك الدنيا لسة بخير بوجود اشخاص مثل ياسمين العسل

تحياتى لكى حبيبتى

حاول تفتكرنى يقول...

فى أول مقال كان اعترافا وربما فى الثاني ايضا

المقال الحالي ليس اعترافا بقدر ما هو فلسفة خاصة فى الحياة ، تعطي لآخرين نموذجا فريدا فى الفعل ورد الفعل

أحييك بشدة

صدفة جميلة يقول...

السلام عليكم
ههههههههههههه
اسف بس يعنى الراجل ده قديم شوية وباين عليه بيحب الحلويات والاكل
وكمان انه يحاول ان يمدح ملا يمدح ولا توصفه العبارات لان الكلمات تخجل من وصف ملائكة السماء
سلام

صدفة جميلة يقول...

بجد وقعت عينى على كلمة التدخين فى احدى التعليقات وتسالت لما هذه الكلمه ورجعت للبوستات السابقه عرفت من خلالها انك بدخنى مش عيب اعترف بخطئى لكن العيب استمر
وكمان اتفاخر عارف انها اعترافات بس بجد يعنى اه معاكى الرجاله بتشربها بس السيده الرقيقه الناعمه تشربها ليه بدل ان تساعد زوجها على التخلص منها
ربنا يسترها ولا علشان السياحه والحركات دى ربنا يعافينا ويسترها على الشابات المؤمنات بجد وياريت تعرفى اننا فى ابتلاء وظهور الامراض والاوبئه لانتشار الفساد فى الارض فياريت تخافى ربنا وتعرفى بجد ان رحمته وسعت كل شيىء ولو حاسه ان شغلك سبب فتنتك والحاجات دى ياريت تتقى الله فى نفسك

micheal يقول...

أولا..ثقتك بنفسك شيء جميل جدا
ثانيا..اتفق معكي جدا أن المعاكسات أصبحت تتعلق بكل ما هو مؤنث وده له أسباب كتير أبرزها أننا في مجتمع ذكوري بحت عمال بيرجع لورا ومش عارف حيوصل لفين
بخصوص التورتاية فأنا عموما مش بستلطف أي كلمة من اللي بيتقاله في المعاكسات والحمد لله عمري ما عاكست ولا حعاكس
مدونتك جديرة بالمتابعة
حضيف اللينك عندي
تحياتي

همســات عــلى ضــوء الــقمر يقول...

ازيك يانيمو

وحشانى علفكرة خالص

ووحشتنا تعليقاتك هنا وفى طيور الجنة

اتمنى انك تكونى بخير حبيبتى

تحياتى لكى
دموع

اقصوصه يقول...

اعتراف جميل :)

خواطر شابة يقول...

الثقة بالنفس مطلوبة وضرورية لمجابهة الحياة وظروفها لاننا لانعيش وحدنا وفي هده الحياة الضعيف يدهس
بخصوص المعاكسات هناك نوعان نوع ظريف يجبرك على الابتسام رغما عنك من طرافة ما يقول وهناك نوع اخر اللهم احفضنا تتمنين لو انك فعلا تتقمصين شخصية كرتونية لتنهالي على رأسه ضربا حتى تري النجوم تتراقص على رأسه
على العموم اعود واقول انا احيي واشجع قدرتك على الاعتراف ليتني امتلك مثلك هده الشجاعة
مع تحياتي

Timo.. يقول...

آآآآآ..
يا تورتا...آآآ
قصدي يا آنسة..يا آنسة..
اصلي كنت عايز...
قصدي..
بس...اصللل...
...............
.........
..................
...........
...........يوووه...نسيت. (';')

THE illusionist يقول...

على فكره انا متابعك دايما
بس والله الظروف مانعانى انى اخش كتير
نظرا لبعض المشاكل
والدراسه الشديده
بس بجد
بستمتع جدا بكلامك قوى
اعترافاتك دايما بتبرهنى
بجد
كلام مختلف خالص
وانا بحترم كل كلمه بتكتبيها
وانا متابعك دايما
ومليش تعليق بخصوص البوست ده
بس قريته كله كالعاده

أميرة علي كوكب مهجور يقول...

حلو الثقة بالنفس و حس ن احساسنا من جوانا اننا حلوين وواثقين في نفسنا بينعكس ع الناس اللي حوالينا وبيحسوا هما كمان اننا حلوين


والاحلي اننا نبقا حلوين من جوه وبره عقلا وشكلا

مدونتك حلوة وياريت تيجي تنوري مدونتي

خوخه يقول...

انا اول مره ازور البلوج
بس مش الاخيره ان شالله
توبيك جديد
تقبلت اعترافك واحترمه
لاني بيحصل معايا مواقف غبيه كتير من هذا النحو
والمشكله ان الناس اللي ف الشارع دي لا يؤخد على كلامهم
يبقى نسد ودانا احسن
هههههههههه
تقبلي مروري
(تحياتي خوخه)

همســات عــلى ضــوء الــقمر يقول...

صباحك ابيض زى لبن الحليب

فينك يابنتى

وحشتينال قولت اجى اسلم

micheal يقول...

في إنتظار ما هو جديد
:)
تحياتي

ليس فقيرا من يحب يقول...

انتى فين يا سمسم

ايه الغيبه دى

أُكتب بالرصاص يقول...

تورتاية ماشية على الارض؟
مصطلح حلو .. جديد

وجميل أنك تكوني مهتمية باللغات بالشكل دا ... عايزك تدليني على الخطوط الرئيسية لتعلم اللغة الايطالية... فين وإزاي وبكام

وأهلا بك في عالم التدوين